ഈരാറ്റുപേട്ട : എയ്ഡ്‌സ് ബോധവത്ക്കരണത്തിന്റെ ഭാഗമായി നെഹ്‌റുയുവകേന്ദ്രയും എയ്ഡ്‌സ് കണ്‍ട്രോള്‍ സൈാസൈറ്റിയും സംയുക്തമായി സംഘടിപ്പിക്കുന്ന കലാജാഥക്ക് ഈരാറ്റുപേട്ടയില്‍ സ്വീകരണം നല്‍കി. മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂളില്‍ നടന്ന ചടങ്ങ് ഗ്രാമപഞ്ചായത്ത് പ്രസിഡന്റ് ഹാജി പി കെ അലിയാര്‍ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ജോമോന്‍ ഐക്കര മുഖ്യപ്രഭാഷണം നടത്തി. ഗ്രാമപഞ്ചായത്ത് മെമ്പറും നടക്കല്‍ സി എച്ച് യുവകേന്ദ്രം കോര്‍ഡിനേറ്ററുമായ വി എം സിറാജ് അദ്ധ്യക്ഷത വഹിച്ചു. എം എഫ് അബ്ദുല്‍ഖാദര്‍, ഇ മുഹമ്മദ്, റഹീസ് മുളന്താനം, ജവാദ് എന്നിവര്‍ പ്രസംഗിച്ചു.
